Kinontra kan Malacañang an pahayag kan kampo ni dating Presidente Rodrigo Duterte na epekto kan pagkakaarestar sa dating Presidente an nagin resulta kan midterm elections.
Basado kaya sa pahayag ni dating Chief Legal Counsel Salvador Panelo, an resulta kan eleksyon an nagbabadya o repleksyon nin inaapod na protest vote kontra sa administrasyon ni Presidente Ferdinand Marcos Jr.
Sinaysay man ni Senator Ronald “Bato” dela Rosa na an halangkaw na botong nakua kaini iyo an boto kan pagprotesta o paghiro gikan sa mga kababayang naagrabyado sa kinahinatnan ni Duterte.
Alagad hurot ni Palace Press Officer Claire Castro, dae man marapat na kanlungin an sarong inaakusaran kan paggibo nin sala para sana makalikay sa sinasabing protest vote.
An taumbayan man soboot mismo an naghuhusga sa mga kandidato kaya man dapat na sana ining irespeto asin mayong ano man na epekto an ano man na sinasabi kan kampo kan dating Presidente.
