Pigkondena kan mga ride-hailing na kumpanya an nagin pahayag kan Land Transportation Franchising and Regulatory Board (LTFRB) dapit sa soboot sobra-sobrang bilang nin mga riders na dae nagsusunod sa motorcycle taxi pilot implementation program kan gobyerno.
Segun sa programa, dapat ay nasa 45,000 na mga motorcyle taxi riders sana an nasa tulong ride-hailing motorcycle taxi companies kan nasyon.
Kaya man, katakod kaini, nag-issue an Land Transportation Franchising and Regulatory Board (LTFRB) nin show cause orders para sa duwang ride-hailing services na nadiskubreng nagbalgar sa alokasyon nin mga riders.
Segun sa sarong CEO kan ride-hailing na kumpanya na si George Royeca, nagkaigwa soboot nin redistribution kaidto kaya naguluhan man an kumpanya sa dapat na kabilogan na numero nin mga riders alagad pigsierto kaini na nakapagsumiter naman sinda nin pruweba kan pagababago sa saindang guidelines na nakaayon sa Land Transportation Franchising and Regulatory Board (LTFRB).
Padagos na pighahalat an magigin kasimbagan pa kan sarong kumpanya para sa nasambitan ng mga alegasyon.
