Pinatututukan ni Presidente Ferdinand Marcos, Jr. an kamugtakan kan mga Pilipino sa Los Angeles, California, sa tahaw kan nangyayaring protesta asin Immigration operation sa lugar.
Sigun ki Palace Press Officer Claire Castro, mahigot na pagirumdom ni Presidente Marcos sa Department of Foreign Affairs (DFA) asin man kan Philippine Consulate na siertuhon an pagheheras nin tabang sa mga Pilipinong nasa ibang nasyon, orog na sa mga naapektaran kan operasyon.
Katakod kaini nagpagirundom man an Palasyo sa mga Pilipinong nasa abroad na kaipuhan man na sumunod sa mga ley kan nasyon kun saen sinda nakaistar o nagtatrabaho.
Marurumdumang kinumpirmar kan Philippine Consulate sa LA na may sarong Pilipinong inarestar kan US Immigration and Customs Enforcement sa tahaw kan nagpapadagos na mahewasang operasyon sa lugar.
