Nangapudan si Senate President Win Gatchalian kay Senator Imee Marcos na sa imbis na mantuyaw, ay magtabang na sana an senadora na maparikas ang pagpapasa kan mga priority bills ngunyan na 2nd regular session ng 20th Congress.
Katakod na man ini kan pagbatikos ni Sen. Imee na napakapalpak kan Senado sa nakalihis na 1st regular session huli nasa duwang panukalang ley lang ang saindang naipasa.
Kontra naman igdi ni Gatchalian, pag partisipar na lang an senadora ngani dae lumagpak huli kun tutuuson ay kabali man si Sen. Imee sa lagpak.
Paliwanag kan Senate President, anumang sabihon nindang mga senador ay sinda man ang matatamaan huli nasa sasarong institusyon lang sinda.
Ngunyan na 2nd regular session ay sinabi ni Gatchalian na pipiriton kan mga senador na matapos an mga prayoridad na panukala sa irarom kan Legislative-Executive Development Advisory Council (LEDAC).
Sa maabot na Biyernes ay magkakaigwa ning pulong an LEDAC para isapinal an mga panukalang dapat na inoton asin inirerekomenda niyang i-prioritize an mga economic asin business bills huli sa haloy na ekonomiya.
