Binantaan ni US President Donald Trump na papatawan kaini nin halangkaw na taripa an mga nasyon na dae masurog sa saiya na kontrolon dapat ninda an Greenland.
Dugang pa kaini na ini an saiyang gigibuhon para sa seguridad na man kan Greenland.
Saro soboot importanteng seguridad kan US an Greenland huli sa strategic location asin dakulang suplay kan mineral kaini.
An Greenland an sarong semiautonomous territory kan Denmark na kaalyado kan North Atlantic Treaty Organization (NATO).
Kan mga nakalihis na aldaw, nagpasiring sa White House an mga foreign ministers kan Denmark asin Greenland kun saen nakaulay ninda sinda US Vice President JD Vance asin Secretary of State Marco Rubio alagad mayong konkretong natapos na plano.
Huli digde, nagbugtak kan saindang mga soldados sa Greenland an nagkapirang nasyon sa Europa siring kan France, the Netherlands, Germany, Sweden, asin United Kingdom.
