Dae pig-iba kan Department of Public Works and Highways (DPWH) asin Independent Commission on Infrastructure (ICI) an mga pigluwas na video ni Zaldy Co online.
Kun saen pigbuyagyag kaini na imbwelto si Presidente Ferdinand ‘Bongbong’ Marcos Jr., dating House Speaker, asin iba pang opisyal sa budget insertion.
Sigun ki DPWH Secretary Vince Dizon na an rason kun tano dae pig-iba an pigbutasang rebelasyon ni Co huli ta bako ini gikan sa sinumpaang salaysay.
Katakod kaini, sinaysay man ni ICI Commissioner Rogelio Singson na nagsunod an mga opisyal sa mga ley katakod sa pagtatao nin mga sworn statements sa imbestigasyon.
Nagpasiring an duwang ahensya sa Office of the Ombudsman kasuudma tanganing isumiter an saindang rekomendasyon na kasuhan si dating House Speaker Congressman Martin Romualdez asin Co kan Plunder, Anti-Graft and Corrupt Practice Act, asin Indirect Bribery.
