Pigkumpirmar ni National Bureau of Investigation (NBI) Dir. Jaime Santiago dae nag atubang sa sainda ngunyan na aldaw nin Byernes si Vice President Sara Duterte.
Segun ki Dir. Santiago, sa paagi kan abogado ni Duterte na si Atty. Si Paul Lim, an saiyang pag-e-reschedule kan hearing huli soboot sa huri na kaining naaraman na pigpauktaba muna an pagdangog sa House committee on good government and public accountability.
Enot digde, inisyuhan nin subpoena kan NBI an bise presidente makalihis maghayag nin pagbabanta laban ki Presidente Ferdinand Marcos Jr., First Lady Liza Marcos asin Speaker Martin Romualdez.
Segun man ki VP Duterte, igwa soboot ini nin nakaulay na tawo na saiyang pigsugo na enkaso siya gadanon, ipapagadan man an first couple asin an lider kan Kamara.
Pigkokonsiderar kan Department of Justice (DOJ) na sensetibong statement an pigbanggit kan bise presidente kaya man mawot ninda na tulos aramon kun igwa nin nabalgar na ley an panduwang pinakahalangakaw na opisyal kan nasyon.
