Aram baya nindo mga ka-bombo, sarong Chinese na lalaki na wanted sa kasong murder an nalikayan na makulong sa laog nin 20 taon.
Ini an sa paagi kan pagpamalo-malo na bungog asin dae nakakataram na scavenger sa kabubuludan na parte kan Hubei Province.
Susog sa report, kan bangi nin Mayo 22, 2004, sarong lalaki na binistong si Xiao an nagkaigwa nin mainit na argumento kontra sa saiyang kapitbahay sa Oumio Daying, sa Xianyang’s Xiangcheng District.
Mantang nag-iiwal an duwa, nagkua soboot nin pala si Xiao asin pigrapas an saiyang kapitbahay sa payo na nagresulta sa tolos kaining kagadanan.
Sa kaparehas na aldaw, tolos na winalat kan lalaki an saiyang agom asin 11-anyos na aki tanganing magdulag huli sa rakot na makulong o masentensiyahan nin kagadanan.
Nagpasiring ini sa kabubuludan na parte kan Anxi County, sa Fujian Province, kun saen an saiyang ikinabubuhay an pagpapabakal nin mga tipak tanganing mabuhay.
Digde man nagpamalo-malo na bungog asin dae nakakataram si Xiao asin nakikipag-ulay gamit an mga gestures.
Alagad ini an nasusog man giraray kan mga kapulisan maski halawig na panahon na nagdulag sa saiyang ginibong krimen.
Sa ngunyan, pigbalik sa saiyang dating residensiya an lalaki asin mahahampang sa magkakanigong kapadusahan.
