Pig-abisuhan na kan White House an mga federal workers na pag preparan an shutdown.
Segun ki White House Press Secretary Karine Jean-Pierre, na sinda na mismo asin bako an mga ahensiya an nagtao nin abiso para sa posibilidad kan government shutdown.
Nakaulay na man soboot ni US President Joe Biden sinda Senate Majority Leader Chuck Schumer asin House Minority Leader Hakeem Jeffries kun saen sinabi kaini na dapat timbangon an mga pangyayari.
Naiintindihan soboot kan Presidente kun pano trabaho kan kongreso huli sa bako sana ini an enot na tyansa na nagkaigwa nin government shutdown an US.
Magigin restricted man an transition activities kun magpapadagos an government shutdown sa masunod na taon.
Marurumdumang nagkapira sa mga options na nahihiling ngunyan kan mga House Republicans sa ginibo nindang meeting iyo an bangaon an prosopwestong ley na saro iyo man an pahiwason an government funding nin hasta sa Marso asin man an saro iyo an bangaon man an hurricane disaster relief aide asin palawigon an agriculutural industry support.
An shutdown an nangangahulugan na pirang milyong empleyado kan gobyerno ang dae mababayadan ngunyan na Pasok asin mauuntok an gabos nin mga non-essential, discretionary functions kan US government.
Marurumdumang pigkontra kan mga taga US House an funding measures ni US President elect Donald Trump na dae ini nakukua kan two-thirds na majority tangani na maisumiter.
