Kadakol na tao an pigkakahaditan na nalugadan makalihis an sarong American Airlines regional passenger jet asin man US Army Black Hawk helicopter nagbanggaan sa himpapawd asin nagbagsak sa malipot na Patomas River harani sa Reagan Washington National Airport kan Miyerkules na banggi, oras kan Estados Unidos.
Dawa ngani dai pigtukoy kan mga opisyal an bilang kan mga binawian nin buhay sa pangyayari sa sarong kumperensya sa bareta na ginibo sa aeropwerto kan Reagan, sinabi ni US Senatos Roger Marshall kan Kansas, kun saen hale an eroplanong pampasahero, na posibleng nagadan an gabos na nakalunad.
Basado sa local media, napag-araman na 18 bangkay kan mga biktima an narekober segun sa sarong opisyal kan pulis, mantang igwa man nin nagkapirang report na mayo pang nahiling na nakasalbar sa insidente.
Pigkumpirmar kan American Airlines na igwa nin 60 pasahero asin 4 crew members an lunad kan jet mantang 3 soldados an lunad kan military helicopter.
An banggaan nangyari mantang an pampasaherong jet naglalapag sa Reagan airport mantang nasa training flight an military helicopter.
Segun sa Pentagon, nagkokondusir ini nin imbestigasyon sa insidente, na pigbabasol ni US President Donald Trump sa US Army helicopter crew asin air traffic controllers basado sa sarong post na saiyang pighiras sa saiyang social media platform.
Dapat suboot nalikayan an nasambitan ng banggaan.
gPigkwestyon ni Trump an dai pagbalyo nin direksyon kan military helicopter mantang maliwanag an banggi asin nahihiling an mga ilaw gikan sa pampasaherong eroplano.
Sa presente, sarong mahiwas na search and rescue operation an piggigibo sa Potomac River, na kung saen dipisil na maray huli sa madiklom an lugar asin sa lipot na nagyeyelong salog na may rarom na 8 talampakan.
Posibleng maghaloy pa nin pirang aldaw an paghahanap asin pagsalbar asin imbestigasyon sa banggaan.
