NAGA CITY – Kinumpirmar kan Naga City Police Office (NCPO) na duwang barangay sa syudad nin Naga an pigrekomendar na nindang maipasairarom sa drug cleared barangay.
Sa entrevista kan Bombo Radyo Naga ki P/SMS Tobby Bongon, tagapagtaram kan NCPO, sinaysay kaini na basado sa saindang kinundusir na mga monitoring, validation asin inspeksyon, nagluluwas na nakapasar na sa saindang oversight committee an mga barangay kan San Francisco asin Dinaga.
Katakod kaini, nagbilog na soboot sinda nin report asin ipinasa ini sa regional oversight committee nganeng pag-adalan man asin sinda na an madesisyon kung dagos nang idedeklarang drug free an nasambitan ng mga barangay.
Sa ibong kaini, naglalaom man si Bongon na sa mga masunod pang aldaw, posibleng sunod naman na maideklarar na drug free an iba pang barangay sa syudad.
