NAGA CITY- Naiturn-over na sa Department of Social Welfare and Development (DSWD) Calauag an duwang menor de edad kan madakop kan mga otoridad makalihis manghabon sa sarong tindahan sa Brgy. Calauag Naga City.
Sa entrevista kan Bombo Radyo Naga ki PMaj. Ariel Blanco, Station Commander kan Naga City Police Office Station 3, napag araman na 15-anyos pa sana an mga suspek.
Segun ki Blanco nadakop kan saindang mga personahe an mga suspek sa ikinundusir na curfew sa nasambit na lugar.
Alagad kan mabisto suboot an mga ini kan mga tanod tulos ining isinumbong asin ipigtukto na responmsable sa panhahabon sa sarong tindahan.
Sa imbestigasyon, nagluluwas na nalalay kan mga ini an nasa pokus humanos P11,000 sa tindahan.
Igwa suboot mga nagtetestigong nakahiling sa duwa na naglaog sa nasambit na tindahan sa paagi kan rinaot na bintana.
Sa ibong na lado nagpagirumdom man si Blanco sa mga magurang na bantayan an saindang mga aki asin riparuhon kun mayo pa an mga ini sa laog kan harong tuyong curfew hours.
