NAGA CITY – Arestado an 2 most wanted person station level kan mga otoridad sa Naga City.
Sa entrevista kan Bombo Radyo Naga ki PSSGT. Robert Aguillon, Assistant PIO – Naga City Police Office, sinaysay kaini na sa ibong kan kasiriribotan sa siyudad sa kafiestahan ni Inang Peñafrancia, dae man soboot nagpupundo an saindang kabuhan na mag-implementar kan mga warrant of arrest asin iba pang special law orog na sa mga tawong igwang outstanding warrant.
Dugang pa kaini, magayunon soboot an saindang nagin akomplisyemento huli ta nadakop ninda an 2 most wanted station level kun saen saro man sa Police station 3, asin saro man sa Police Station 1.
An saro sa mga naarestar an igwang kasong qualified theft, mantang an saro man igwang kasong syndicated estafa.
Pigtawan-duon ni Aguillon na pigkonsiderar ninda an duwang naarestar na indibidwal na laog sa 2 most wanted person an huli man ta parehas soboot ining mayong rekomendang piyansa kun saen hasta man sa matapos an saindang kaso, nakakulong an mga ini o temporaryong nasa kustodiya kan mga kapulisan o kun dae man, ibabalyo soboot ini sa Bureau of Jail Management and Penology (BJMP).
