Pigtututukuan ngunyan kan Philippine National Police (PNP) an mapakol sa 31 klase nin mga pinagbabawal na paputok.
Ini an Watusi, Lolo Thunder, Boga, Poppop,, Atomic Triangle, Kwiton, Pla-pla, Mother Rockets, Hello Columbia, Piccolo, Goodbye Philippines, Tuna, Five Star, Goodbye Delima, GPH Nuclear, Giant Bawang, Goodbye Napoles, Special, Giant Whistle Bomb, Coke-in-Can, Atomic Bomb, Bin Laden, Large-size Judas Belt, Pillbox ,Super Lolo, Kabasi, Goodbye Bading, Super Yolanda, Goodbye Chismosa, King Kong, Dart Bomb.
Sigun ki PNP-Firearms and Explosive Office Chief Police Col. Rex Buyucan, apwera sa mga nabanggit, pinagbabawal man an gabos kan mga overweight na paputok na may gabat nin labi sa 1/3 teaspoon o poco mas o menos 0.2 gram.
Mientrastanto, an mga class 1,2, asin 3 na paputok an para sa general public asin man an class 4 na paputok na may dakulang aerial shells asin may complex na multi-shot devices an para sana sa licensed pyrotechnicians asin sa mga firework display operators sana.
Mantang pinagbabawal man an mga paputok na may fuse na nasusulo nin dae mababa nin 3 segundo asin dae man masobra nin anom na segundo.
Mientrastanto, padagos man an pakikipag-coordinate kan PNP sa Bureau of Customs (BOC), Bureau of Fire (BOF) at Department of Trade and Industry (DTI) asin pinapahigot man kan Anti-Cybercrime Group an operasyon kaini laban sa mga ilegal na nagpapabakal nin paputok online.
Katakod kaini, an mga mabalgar an pwedeng makulong nin 6 na bulan hasta sa sarong taon asin may multa na dai mababa sa 20k.
