Pigkumpirmar kan mga otoridad na apat an binawian nin buhay sa nangyaring plane crash sa Sitio Malatimon, Ampatuan, Maguindanao del Sur ngunyan na pagkahapon.
Basado sa imbestigasyon, sarong pribadong eroplano an piglunadan kan mga biktima, asin duwa sa mga ini an mga dayuhang mamamayan
Sigun man sa Ampatuan Municipal Police Station (MPS), pigladawan ninda an insidente komo “brutal” sa sinapo kan mga biktima.
Pigtutubodan na naglukso gikan sa eroplano an pira sa sainda antes pa ini dagusang magbagsak.
Mayo man nadamay na residente sa insidente, alagad saromg damulag an naapektaran. Nadukayan ini na igwa nin malalang danyos asin natanggal pa an nguso kaini huli sa impact kan pagbagsak kan eroplano.
Dae pa man maaraman kun ano an nagin problema kan eropleno antes ini magbagsak.
Sa ngayon, padagos pa an imbestigasyon kan mga otoridad dapit sa nasambitan ng trahedya.
Padagos man an retrieval operation tanganing makua an gabos nin klase kan eroplano asin maaraman an pagkakabistohan kan mga biktima.
