Gadan an nasa pitong katawo makalihis an panlalamasa kan makusog na pag-uran asin bagyo sa France, Switzerland asin Italy.
An tolong biktima na nasa edad 80-anyos an binawian nin buhay sa Aube region sa France makalihis na madaganan nin natumbang puon kan kahoy an saindang behikulo mantang sa Switzerland an apat man an binawian nin buhay.
Igwa man nin nagkapirang naireport na nawawara na padagos pang pinaghahanap sa paagi kan search and rescue kan mga otoridad.
Nagin huma man para sa mga rescuers an raot kan panahon kun sain nadidipisilan an mga ini na hanapon an mga naireport na nawawara.
Kadakol man na mga residente an pigpaebakwar huli sa piglalaoman na panlalamasa kan nasambitan ng raot kan panahon sa mga masunod na aldaw.
