NAGA CITY- Dae pa man nagluluwas nin opisyal na pahayag an gobyerno kan Pilipinas sa panibagong madahas na aksyon kan China kontra sa satuyang puwersa sa West Philippine Sea.
An latest incident an nangyari soboot kan Lunes sana, Hunyo 17, 2024, kun saen masagibo kuta nin rotation asin resupply mission. Alagad tinapaan sinda kan mga personahes kan China asin napuli sa komprontasyon.
Nagkaigwa pa soboot nin pisikal na labanan. Huli sa dakol kan mga Tsino, nagibo kan mga ini malugadan an mga Pinoy, kun saen igwa pa nin naputulan nin muro o galamay. Mantang kinua an walong high-powered firearms asin nalabot pa an rigid hull inflatable boat (RHIB).
Maging an team na nasa BRP Sierra Madre an labing nahahandal kan dae makaabot an resupply mission. Dae man nagluwas nin pahayag an Philippine Coast Guard (PCG) nin huli ta dae muna soboot sinda nagtatao nin statement para sa anuman na aksyon o development gikan sa lado kan militar.
