Nag-aatubang ngunyan sa matinding kakulangan an pwersa kan militar kan Taiwan sa ibong kan mga paghinguha na padakulaon an recruitment process kaini, nagtitinir pa man giraray na dakula an kakulangan sa mga nagmamawot na magin suldados, sigun sa sarong Report. Nag aabot sana kaya sa 80% kan mga Taiwanese an mga nagboboluntaryo tangani magin suldados.
Magpuon Kan nakalihis na tanong 2022 hasta 2024, nasa poco mas o menos 12,000 na mga miyembro kan mga suldados an naghali sa militar, na nagkawsa nin mga kahaditan sa mga opisyal kan gobyerno kan Taiwan.
Kaya man liwat na pinag-ulayan an posibilidad kan pagtutugot sa mga foreign migrants na ma-enlist, mayo pang opisyal na desisyon an piggiibo kan nasyon dapit sa isyung ini na haloy nang pinag-uulayan sa laog kan labi sa duwang dekada.
Saro sa mga pigtutukdong rasonn iyo an pagbagsak kan birthrate kan Taiwan, na ikaduwa sa pinakahababa sa Asya pagkatapos kan South Korea.
Bagaman an sweldo sa militar ay halangkaw, mas pigpili pa man giraray kan mga Taiwanese an mga oportunidad sa pribadong sektor.
Sigun ki Dr. Chang Ching, sarong senior research fellow sa R.O.C. Society for Strategic Studies asin man sarong dating naval officer, sa nakalihis soboot na 25 taon ay mayo man soboot kumite an naisusumiter tangani aksyunan an problema. Kinuwesyon man ni Chang an preparasyon kan mga residentes kan Taiwan dapit sa pagsasakripisyo kaini sa oras nin gyera.
Sa ibong man na lado, pinapakusog man kan China an preparasyon kaini sa parehong air and sea defense zones sa Taiwan. Sa nakalihis na taon dakula na an nagin pagbabago kan military services kan Taiwan, nin huli ta magpuon kaya kan 1950 hasta sa taong 2000, an gabos nin lalaki ay kaipuhan nang magsirbi kan saindang military services na dae mababa sa duwang taon.
Siringpaman, mantang an Taiwan ay nagin ganap na demokrasyang nasyon, padikit-dikit man na binabawasan kan gobyerno an obligasyon kan mga residentes kaini na mag sirbi sa militar.
Kan nakalihis na taong 2013 an mandatory service kan Taiwan ay naribayan na sana sa apat na bulan nin training. Alagad kan 2022 liwat na pigpautob ni dating Taiwan President Tsai Ing-wen an sarong taong mandatory services para sa mga kahinanwa kaini na nagpuon man kan nakalihis na 2024.
Bagaman didikit an mga nagkontra sa popwestong ini, suportado man kan presenteng administrasyong Lai an lakdang na ini kun kaya nagin reason sa tensyon man kan Beijing. Saro pa sa mga nagin rason na nakakaapektar sa pagbaba kan pag-recruit kan mga mawot maglaog sa suldados sa Taiwan iyo man an 2018 pension reform kan nasyon.
Ini nagbawas nin military pensions gikan sa 15 hasta 20 percent tangani malikayan an financial insolvency kan mga kasundaluhan.
Bagaman kadakol na Taiwanese an suportado ini alagad para man ki Dr. Chang an pagbawas kan pension kan mga suldados ay nagtao soboot nin dakulang ulang para sa mga pamilyang may historya nin pagsisirbi sa militar na inkaminaron an mga joven na henerasyon na makibali sa pagkasundalo.
