Nagpatanid an Malacañang sa publiko na mag-ingat sa mga naglalakop na fake news dapit sa P20 kada kilong bagas sa merkado.
Sinaysay ni Palace Press Officer Atty. Claire Castro na igwang vlog o post na nag-viral na nagpapahiling nin bagas na may presyong P20 asin sarong tawo na nagtataram na an boot sabihon an “Nguyain ninyo, inyo na iyan”.
Piglinaw ni Castro na an P20 kada kilo nin bagas dae pa man pigpapabakal sa merkado huli ta mayo pa man nin guidelines an Department of Agriculture (DA) asin mga authorized dealers sana an tutugutan na magpabakal kaini.
“Mag-ingat kita sa mga paratinda nin fake news, pigraraot ninda an proyekto, pigraraot an Presidente, pigraraot an paglaom, an paglaom kan lambang Pilipino,” patanid ni Castro. (“Mag-ingat po tayo sa fake news peddlers, sinisira ang proyekto, sinisira ang Pangulo, sinisira ang hope, ang pag-asa ng bawat Pilipino,”)
Patunay sana soboot an nasambitan ng vlog na igwa nin mga key board warriors tanganing raotan an gobyerno asin pigtutuyaw an mga bagas na pigpapabakal para sa ataman na hayop.
Paglilinaw pa kaini na an ipapabakal na P20 kada kilo nin bagas an orihinal na nagkakantidad nin P33 kada kilo.
