Tinawan duon kan Department of Justice na ligal an nagin pagkakaarestar ki dating Congressman Arnolfo ‘Arnie’ Teves Jr. kan ini darahon gikan Timor-Leste pasiring sa nasyon.
Ini mismo an nagin paglilinaw ni Justice Undersecretary Raul Vasquez manungod sa urulay kan legalidad sa pagkakadakop kan mga awtoridad kan nasambitan ng nasyon ki former Negros Oriental representative Arnie Teves Jr.
Sigun kaya sa saiya, liwat man na pigbalgar an mga ini sa ley asin nilinaw na pang tama sana an ginibo kan nasyong Timor-Leste dara kan mga ipinahiling na hiro ni Teves mantang ini inaarestar.
Kun saen pinahimutikan man kaini na may kadahasan o torture soboot nangyari sa pagkakadakop sa dating kongresista nin huli ta hiling man soboot sa video na ligal an ginibong lakdang kan mga awtoridad sa nasyong Timor-Leste.
Siringpaman, ipinaliwanag ni Department of Justice Undersecretary Raul Vasquez na dae soboot kaini mawot na panghimasukan kun papano an sistema kan nasyong Timor-Leste.
Nagtutubod kaya ini na kun igwa mang kwestyonableng nangyari sa pagkakaarestar ini dapat man na mahiling o masuring marahay.
Alagad sigun saiya, dapat irani ini sa mga awtoridad kan nasyong Timor-Leste enkaso nakahiling an saindag lado nin iregularidad sa implementasyon kan pag-arestar.
Idinagdag man an nasambitan ng undersecretary na an pagdulog sa mga kinauukulan kan Timor-Leste dapit sa isyung ini ay tangani maaksyunan kan nasyon asin malikyan na mautro pang liwat.
Marurumduman na si dating Congressman Arnie Teves ay inarestar kan mga awtoridad kan nasyong Timor-Leste asin ibinalik digde sa Pilipinas kansuarin sana.
Kun saen sa presente ay ini nasa kustodiya na kan gobyerno kan nasyon makalihis an nagin pagkakaarestar sa saiya.
Kinakaatubang kaini an pagigin imbwelto asin pigtutukdo soboot na ‘mastermind’ sa likod kan paggadan ki for former Negros Oriental governor Roel Degamo asin nagkapira pa kan nakalihis na taong 2023 sa Pamplona, Negros Oriental.
