Pirming bukas an Senado sa mga pangapodan na gibuhong mas transparent sa publiko an pagsusuri sa pambansang budget sa bicameral conference committee.
Ini an inihayag ni Senate Secretary Renato Bantug Jr., sa tahaw kan nagkukusog na pangapodan gikan sa civil society groups sa irarom kan kampanyang #OpenBicam, na ipinangapodan an reporma sa pagsasagibo kan bicam-partikularmente sa prosopwestong pambansang budget asin mga priority bills.
Sigun sa sekretaryo, igwang panininmbagan an duwang kapulungan kan Kongreso na siertuhong bukas asin malinaw an proseso, alinsunod sa panundon kan Konstitusyon na an public office an mapagkakatiwalaan kan publiko.
Huli digde, igwang karapatan soboot an mga tawo na maaraman kun pano piggagastos an saindang kwarta.
An saindang aktibong pagpapartisipar an nakakatabang tanganing masiertong tapat asin igwang paninimbagan sa taumbayan an saindang pigluklok na opisyal.
