Pigtawan duon ni House Committee on Public Accounts Chairman asin Bicol Saro Party-list Rep. Terry Ridon na kaipihan munang imbestigaran kan Kamara asin beripikahon an mga alegasyon ni Ramil Madriaga kontra ki Vice President Sara Duterte.
Pahayag ini ni Ridon sa hampang kan plano kan nagkapirang civil society members asin complainants sa naenot na consolidated impeachment complaints na idugang an mga akusasyon ni Madriaga para sa panibagong impeachment complaint na saindang isusunad kontra ki VP Sara.
Pigpunto pa ni Ridon na masyadong magabat an mga alegasyon ni Madriaga kaya kakaipuhanon kan Kamara an corroborative evidence tanganing ini an mapapusog.
Pigsaysay pa ni Ridon, apwera sa House Committee on Justice, an pwede man na mag-imbestigar sa mga akusasyon ni Madriaga ki Duterte an House Quad Committee.
Dugang pa kan opisyal, kaipuhan na makipag-koordinar an Kamara sa mga magkakanigong ahensya tanganing kalkalon an background ni Madriaga asin mapag-adalan nin marhay an sinumpaang salaysay kaini kontra sa ikaduwang Presidente.
