Pigkokonsederar na ngunyan komo pugante an negosyante asin gaming tycoon na si Charlie “Atong” Ang.
Pahayag ini kan Department of Justice (DOJ) makalihis dae pa nagbubutwa si Ang sa ibong kan pagluwas nin arrest warrant kan korte katakod sa pagkawara kan mga sabungero pirang taon na an nakalihis.
Sigun ki Prosecutor General Richard Anthony Fadullon, saro nang fugitive si Ang dahil sa padagos kaining pagtatago. Nangapudan ini ki Ang na maghampang sa korte asin patotoohan an sinasabi kaining pagigin inosente.
Sinaysay man ni Justice Secretary Eric Vida na kumpiyansa an DOJ na dae pa nakakaluwas nin nasyon si Ang, hihilingon pa man sa korte an pagluwas kan hold departure order.
Pupwede man magsunad nin motion to quash an kampo ni Ang, alagad dae basta-basta maaksyon an korte kun dae pa ini nadadakop o nagsusuko.
Nahahampang sa patung-patong na kaso si Ang sa mga korte sa Lipa City, Batangas, San Pablo, asin Sta. Cruz, Laguna katakod sa kidnapping with homicide sa mga nawawarang sabungero.
