Inihayag kan Department of Justice (DOJ) na mayong paninimbagan sa dae pagbabayad nin buwis an mag-agom na Curlee asin Sarah Discaya sa nagkapirang mga luxury vehicles kaini.
Ipinaliwanag ni Justice spokesperson Atty.Polo Martinez na ibinasura kan DOJ an tolong reklamong katakod sa excise tax kontra sa mga Discaya.
Sigun ki Martinez na an excise tax an pigbabayadan kan importer kun saen nahiling kan panel na bakong importer sinda Sarah asin Curlee kaya dae sinda liable sa pagbabayad kan excise tax.
Napag-araman na an pagbakal kan luxury cars kan mga Discaya an parte kan limang tax kontra sa mag-agom na Discaya na nagsairarom sa preliminary investigation sa DOJ.
Mientrastanto, sinaysay pa ni Martinez na duwang kaso man an isusunad sa Court of Tax Appeals kontra sa mag-agom na Discaya huli sa dae tamang pagdedeklarar kan mga income tax return para sa taong 2020 asin 2021.
