Nag-abot na sa 246 an narehistrong kaso kun sain igwa na nin 65 katao an binawian nin buhay.
Segun sa Africa Centres for Disease Control and Prevention o Africa CDC, kadaklan sa mga nagadan gikan sa mga banwaan kan Mongwalu asin Rwampara, mga gold-mining na lugar sa Ituri province.
Nag-paapod na sinda nin pagtiripon sa nagkapirang karatig na lugar kan Congo kabali an Uganda, South Sudan asin mga international partners tanganing pag-olayan an mga dapat na iprayoridad.Kabali sa tutukaron digdi an response efforts asin cross-border surveillance.
Nadiskubre an Ebola kan 1976 sa DR Congo na pinagtutubudan na hale sa mga paniki.
Ika-17 na ini nin outbreak na nairehistro kan nasabing nakakagadan na helang sa nasabing nasyon.
Inako man kan World Health Organization o WHO na mayo pang bulong kontra sa nasabing helang kun sain nasa 50% an fatality rate kaini.
