Pinuna ni Akbayan Party-list Representative Percival “Percy” Cendaña an soboot kakulangan nin pondo para sa mga basic services sa proponidong 2027 national budget, bilang rason kan saiyang pagkontra sa nasabing ley.
Ini makalihis na aprobaran kan Kamara sa ikatulong asin pinal na pagbasa an P7.2-trillion pesos na propuestong national budget para sa taon 2027, na may boto nin 281 pabor, 13 kontra, asin sarong abstention kan nakaaging Oktubre 12.
Sa ekslusibong intrevista kan Bombo Radyo Philippines ki Cendaña, sinaysay kaini na naglalaom siya na makakabalik an tiwala kan publiko sa mga institusyon kan gobyerno sa proseso kan paggibo nin budget, makalihis an mga kontrobersiya sa nakaaging budget nasyonal, kabale na an mga anomaliya sa flood control project.
Kaibanan sa saiyang pigsitar iyo an dagdag na budget para sa EDSA Bus Carousel na dae natawan nin pondo sa orihinal na National Expenditure Program, bago pa man natawan nin P75 milyones pesos kan Congreso. Sigon ki Cendaña, labi sa sarong bilyon an kinakaipuhan tanganing mapadalagan nin tama an programa asin pampublikong transportasyon.
