Pinabulaanan ni Vice President Sara Duterte an mga nagluwas na bareta na nagkokonektar saiya sa sinasabing pagkaigwa nin mga fast-food franchise.
Nagluwas an isyu kasunod kan mga testimonya asin rekord hale sa Securities and Exchange Commission sa saiyang impeachment trial na nagkokonektar saiya sa GenCorp Inc. asin Metro City Chowfoods.
Lininaw kan Bise Presidente na nagkaag sana siya nin investment sa sarong lehitimong kumpanya na pinapadalagan kan mga tawong may marhay na reputasyon sa negosyo.
Idiniin niya na an pag-invest sa sarong korporasyon bakong boot sabihon na siya na an may sadiri o nagmamanehar sa mga indibidwal na franchise kaini.
Binatikos man ni Duterte an saiyang inapod na disinformation campaign na nagdadara sana nin bakong makatanusan na danyos sa reputasyon kan mga lehitimong negosyo.
