Nagtulod sinda Mamamayang Liberal Party-list Rep. Leila de Lima asin Akbayan Party-list Rep. Chel Diokno nin mas mahigot na transparency asin accountability sa paggamit kan pondo kan banwaan, ini kasunod kan desisyon kan Korte Suprema (SC) na nagbugtak nin mga limitasyon sa unprogrammed appropriations.
Bilang sarong co-petitioner sa saro sa mga kasong pinagsaro kan SC, sinabi ni De Lima na dawa na boot ninda na tulos na ipawalang-bisa an UA, sarong importanteng lakdang an pagbugtak kan Korte nin malinaw na limitasyong konstitusyonal tanganing malikayan an pag-abuso sa pondo kan publiko.
Idinugang man niya na dai dapat magsirbing proteksyon kontra sa paninimbagan an doctrine of operatives fact para sa mga mapapatunayan na naghiro na may maraot na intensyon.
Mantang, iginiit ni Diokno na dapat malinaw na tukuyon asin pondohan an mga prayoridad na proyekto imbes na ibugtak an mga ini sa UA, kun sain pwede sindang magin bulnerable sa pag-abuso asin korupsyon.
Nagtulod man siya sa Senado asin House of Representatives na seguraduhon na an 2027 national budget nagsusunod sa desisyon kan SC, poon sa mga natatadang deliberasyon sagkod sa bicameral conference committee.
Parehong iginiit kan mga mambabatas an pangangaipuhan na halion an mga porma kan pork barrel asin seguraduhon na ginagamit an nasyonal na badyet para sa kapakanan kan mga Pilipino.
