DOTr target na maipatupad an automated fare collection sa mga bus na nag-aagi sa EDSA busway

Target an Department of Transportation (DOTr) na maipatupad an automated fare collection system (AFCS) bago matapos an taon 2026.

Katuyuhan kaini na maparikas asin magin dai nin sagabal an pagbiyahe kan mga pasahero.

Segun ki Transport Secretary Giovanni Lopez, kinakaipuhan an mga bus operator na magpatupad nin cashless options para sa pamasahe sa kada busway station sa EDSA.

An Automatic Fare Collection System (AFCS) ipinapautob na sa Light Rail Transit asin Metro Rail Transit kun sain an mga pasahero nagbabayad gamit an saindang mga cards.