Inapod ni Defense Secretary Gilberto Teodoro na “manhid” an China sa mga diplomatikong pahayag kan Pilipinas, kasunod kan otro na pagkuwestiyon kan Beijing sa soberanya kan nasyon sa Batanes.
Hinagad ni Teodoro sa mga Pilipino na dai pagpatulan an “fake news” asin “disinformation,” asin suportaran an mga sundalong nagtatanggol sa nasyon.
Igiit niya na igwang supisyenteng legal asin historikal na basehan an Pilipinas, kaiba an arbitral award, tanganing ipagtanggol an Batanes.
Nagpuon an kontrobersiya sa pahayag kan nagkapirang Chinese scholar na natural na kadugtong kan Taiwan an Batanes asin dapat mapasairarom sa China.
Sinayumahan ini kan National Historical Commission of the Philippines, na nagsabi na pormal na naibali an Batanes sa administrasyong kolonyal kan Espanya kan 1783 asin mayong ebidensya nin pamamahala duman kan China.
Tinawan-duon ni Teodoro an pangangaipo na pakusugon an depensa kan nasyon, kaiba an pagtogdok nin mga estratehikong base militar sa baybayon na nakaatubang sa Pacific Ocean.
Pigsierto man niya na dai maaapektaran kan usaping diplomatiko an operasyon kan DND asin AFP.
