(UPDATE) NAGA CITY- Ikinaugma kan sarong newly elected barangay captain asin kandidato
man komo Association of Barangay Councils (ABC) President sa banwaan nin Bombon,
Camarines Sur an piglunsar na entrapment operation kan Criminal Investigation and Detection
Group (CIDG) na nagresulta sa pagkakadakop kan duwang mga barangay chairman sa
saindang lugar.
Sa entrevista kan Bombo Radyo Naga ki barangay captain Elect Jeffrey Pasobillo kan Sto
Domingo sa nasambitang banwaan, sinaysay kaini na magkapirang beses na suboot
nagpasiring an mga suspek na sinda Barangay Captain-elect Allan Vidalio kan barangay Pagao
asin si ABC President Augusto Laure kan Barangay San Roque sa harong ninda kapitan Florentino
Cibuc kan barangay Siembre asin kapitan Rudy Clariño para suhulan sana an mga ini nin
kwartang nagkakatidad P100,000.
Ini para an iboto suboot sa ikukundusir na ABC Federation election komo presidente si
Vidallio imbes na si Pasobillo.
Pig-orgulyo man kan opisyal an pagigin loyal asin kusog buot na ipinahiling ninda Cibuc asin
Clariño tangani na ipaaram sa CIDG-Camarines Sur an piggigibong iligalidad kan duwang
mga punong barangay.
