Liwat na nanindugan an Armed Forces of the Philippines (AFP) na ipagpapadagos ninda an saindang napuonang pagpapatrolya sa West Philippine Sea sa ibong kan mga kritisismo gikan sa panig kan China.
Sigun ki AFP Spokesperson for the West Philippine Sea Rear Admiral Roy Vincent Trinidad, an mga pahayag na ini kan Chinese Communist Party an mga nagigin rason kan “instability” sa WPS na iyong parte kan exclusive economic zone (EEZ) kan Pilipinas.
An sainda soboot ginigibong mga pagsasanay sa Bajo de Masinloc na na parte kan WPS an aprubado, duly coordinated, scheduled asin susog sa mga napagkasunduan asin mga nag-iiral na ley.
Dugang pa ni Trinidad, an mga pattern na ini an mga unlawful actions gikan sa China asin pigsagibo na mayong nagin pagbalgar sa iba pang estado sa Southeast Asia asin magin sa international law.
Kabali na sa mga aksyon na ini kan China an saindang iligal na pagpapatrolya sa WPS asin pagsasagibo kan soboot pagsasanay sa Bajo de Masinloc na haros mayong basehan asin nagsusurportang mga ley.
Mientrastanto, kasuarin sana, nagsagibo kan saindang naval asin air patrols an China sa nasambitan ng territorial waters puon kan nakalihis na Lunes hasta Biyernes.
Pigpahayag man ni Trinidad na an mga aktibidad na ini an mayong koordinasyon asin dae suportado kan nag-iiral na international laws.
