Pigtawan-duon kan alkalde kan siyudad nin Naga na piglalaoman na kaini na pirmeng igwang pasaring o masasabi an ibang mga tawo sa saiyang pagmanehar sa siyudad.
Sa nagin paghampang sa mga kagawad kan media ni Naga City Mayor Nelson Legascion, sinaysay kaini na igwang magigin isyu sa anuman na proseso na minsan pabor asin dae pabor sa resulta.
Dae man soboot ini ngalas na igwa kan siring na isyu na pigdadaklag sa saiya.
Sigun pa Legacion, igwang mga aspirante na maray siring na sa a soboot ni Engr. Sales na dating Regional director kan DA huli ta igwa ining kakayahan asin eksperyensya na dakulang bagay para sa Naga.
Dugang pa ni Legacion kakaulayon kaini si Engr. Sales enkaso na magdulok ini saiya.
Pigsambit pa kan alkalde na kun mag abot man sa punto na igwang magpag-ulayan ini asin marhay para sa syudad ikokonsederar soboot kaini.
Sa ngunyan importante soboot an kamawotan na maitulod an kamarhayan kan Naga.
Mientastanto, nagpapasalamat man si Legacion ki Cong. Gabby sa suporta na ipinapaabot kaini huli ta as early as May asin June nagpuon na ining maghiro sa luwas kan Naga komo pag-utob sa napag-ulayan suporta sa saindang aspirasyon na serbehan bako sana an syudad nin Naga kundi magin an 7-munisipyo sa ikatolong distrito kan Camarines Sur.
Sigun pa digde, malinaw man na kwalipikado si Cong. Gabby sa posisyon na magin Vice Mayor kan siyudad nin Naga huli ta sa enot pa sana dati na ining nagkapot kan nasambitan ng posisyon asin antes paman ini nagin councilor naman si Cong. Gabby asin ngunian kongressman.
Huli digde, mayo soboot dapat ipagduda asin yaon man dgdi an saiyang suporta.
Pigtawan duon pa ni Legascion, an proganda bagay na natural partikularmente ta igwang kalaban ini sa posisyon. Katakod digde, nakanood soboot ini sa siring na sitwasyon na dae man gabos na tawo mauyon sa saiya partikularmente ta kun an ibang nagpo-propaganda an igwa man nin sadiring interes na pigtutulod alagad ini nagtutubod soboot na an mga botante sa Naga asin sa terser na distrito an mahiling sa kakayahan asin performance kan sarong kandidato kun sisay an mas kwalipikado asin may track record kan igwang malasakit, pagpapadangat sa gabos na panahon bako sana sa eleksyon huli ta ngunyan kadakol soboot an nagpapamalo-malo na matinabang sa mga tios alagad paghiniling an pangyayari sa syudad magin sa terser distrito kan panahon na naatubang an mga ini sa mga angat kan buhay marayo na soboot ini.
Mawot man ni Legascion na mas mangibabaw an mga longterm na karahayan kumparar sa pangmadalian.
May pangapudan man si Legacion sa mga indibidwal na nakatago sa likod kan mga troll pages asin fake accounts na dapat magkaigwa an mga ini nin kusog boot na atubangon an mga bagay bagay asin akuon na gibo gibo sana an siring na mga post.
