Nagpuon na magsagibo nin pagsusuri an mga arson investigators tanganing maaraman an pinagpuonan kan Palisades Fire sa Los Angeles.
Sigun ki LA Fire Department Chief Kristin Crowley, na igwang kabilogang 21 opisyal na kinabibilogan kan 16 na arson investigators asin sarong ido na pig train na magparong kan mga fire accelerant an nakatutok sa kaso.
Presenteng nasa limang katawo pa man an naikurit na binawian nin buhay sa kasulo sa Palisade asin Eaton.
Haros 200,000 mga residentes kan nasambitan ng lugar an pina-ebakwar kun saen nakabantay pa man na mga otoridad taganing masierto na nasusunod an evacuation order.
Pirang katawo na man an pig-arestar kan mga otoridad huli sa ginibo kaining paglaog sa mga kaharongan.
Abiso man kan National Weather Service kan Los Angeles na magtitinir pa man an makusog na duros na iyong magdadara kan pagkusog kan kalayo.
Sa inisyal na pagkakalkulo kan mga otoridad na mapakol sa labi $50-bilyon na an danyos gikan sa nasambitan ng kasulo.
