Iginiit ni Atty. Ernesto Francisco Jr. na an pagbasura kan Korte Suprema sa saiyang petisyon kontra sa “voting threshold” kan Senate Impeachment Court, dai pa nakadiskusyon sa merito kan kaso.
Segun ki Francisco, an pagka-dismiss kan petisyon nakasentro sana sa “procedural aspect” asin bako sa mismong substansya o merito kaini.
An petisyon, na inihain man ninda dating Executive Secretary Atty. Vic Rodriguez asin Berteni Cataluña, nagkwestyon sa interpretasyon kan Senate Impeachment Court sa kinakaipuhan na “two-thirds vote” para sa “conviction” sa sarong “impeachment case”.
An mga petisyon na ini, na magkakasuway na inihain, nagtutukoy sa kinakaipuhan na boto para sa paghatol sa sarong opisyal sa kasong impeachment.
Alagad, tulos ining ibinasura kan Korte Suprema huli sa kakulangan nin “legal standing” asin “prematurity” kan mga nagpetisyon.
Huli kaini, ipinapayo ni Atty. Francisco na si Vice President Sara Duterte, bilang “respondent” sa kaso, an dapat maghain nin petisyon sa Korte Suprema kun an “impeachment court” maggamit nin mas hababang “voting threshold” sa paghatol.
