Aram baya nindo mga ka-Bombo, sarong babae gikan sa Zhejiang, China an nagsaysay na nakakua soboot ini nin herpes virus sa paagi kan pagkapot nin mikropono na harani sa saiyang ngimot sa sarong karaoke lounge.
An dae na pinangaranan na babae, pigheras an saiyang istorya sa sarong social media account kun saen saiyang pigsaysay kun pano ini na-infect kan HSV-1 virus.
An mga sintomas kan nasambitan ng helang kabali na an cold sores sa palibot kan mga ngimot namatean kan babae, walong taon na an nakakalihis.
Kan taong 2017, nagbisita soboot ini sa sarong karaoke lounge sa Zhejiang kun saen pigkaputan kaini an mikropono harani sa saiyang ngimot.
Makalihis ini, igwa na soboot nagruluwas na sararadit na pustulent blisters sa saiyang ngimot. Katakod kaini, maski makulog asin magatol, pigpasipara sana kan babae an saiyang namamatean.
Kasuarin sana, kinaipuhan na kan babae na maghagad nin opinyon gikan sa mga eksperto huli sa pagtubod na naulakitan ini kan HSV-1 herpes virus.
Sa ngunyan, nagin viral an istorya kan babae sa Chine Media alagad padagos pa na pig-aadalan o pigkumpirmar kan dermatologist an kawsa kan nasambitan ng helang.
