Inihayag kan Bureau of Internal Revenue na pabor ining mapalangkaw o pagabaton an ipinapataw na padusa kontra sa mga ‘tax evaders’ sa nasyon.
Sigun mismo ki Internal Revenue Commissioner Romeo D. Lumagui Jr, suportado soboot ini orog pa ta ginigibo ini kan nagkapirang mga korporasyon.
Nagtutubod ining dapat pagabaton an padusa tangani magin maingat an.mga ‘tax payers’ asin sumunod ini sa tamang proseso kan pagbabayad kan nagkakanigong buwis.
Saiyang inihayag ini kasunod kan pagsusunad nin mga reklamong ‘tax evasion’ kontra sa 23 korporasyon imbwelto sa ilegal na gibuhon.
Kun saen pigsunad kan nasambitan ng kawanihan sa Department of Justice an 23 tax evasion complaints kontra sa mga korporasyon asin man mga inidbidwal sa likod kan soboot dae ligal na transaksyon kan buwis.
Basado sa BIR, an 23 korporasyon na saindang inireklamo sa DOJ an nagbabakal nin ‘ghost receipts’ tangani sana matakasan an obligasyon na magbayad nin kaukulang buwis. Nag abot ini sa 1.41-bilyon Piso tax deficiency kaya man pabor si BIR Commissioner Romeo Lumagui Jr. na pagabaton an padusa kontra sa mga ‘tax evaders’.
