Kumpiyansa an Bangko Sentral ng Pilipinas (BSP) na dae muna ninda kaipuhan nin anumang intervention makalihis an pagbagsak kan kantidad kan peso kontra dolyar.
Sigun sa Malacañang, padagos an piggigibong monitoring kan BSP makalihis an makasaysayang pagbagsak kan peso na P59.46 kontra sa US dollar kan nakalihis na Huwebes.
Sinaysay ni Palace Press Officer Undersecretary Claire Castro na an pwedeng rason kan pagbagsak kan peso an huli sa geopolitical tensions siring sa tahaw kan US asin Venezuela.
Kaibahan na man na rason iyo an padagos na imbestigasyon kan gobyerno sa mga anomalya kan flood control sa nasyon.
Tanganing masimbagan an epekto kan pagluya kan piso kontra dolyar, igwang lakdang na piggibo an gobyerno siring kan pagsierto an maluya na paglangkaw kan mga barakalon.
