Inactivate kan Criminal Investigation and Detection Group (CIDG) an saindang Special Investigation Team para magtao nin suporta sa nagpapadagos na repatriation mission para sa mga Overseas Filipino Workers (OFWs) na apektado kan tensyon sa Middle East.
An nasabing grupo gikan sa Anti-Transnational Crime Unit kun sain sinda an magkokondusir nin mga interview asin screening sa mga nag-uuli na OFW para maaraman kun igwang mga biktima nin trafficking o illegal recruitment.
Ini mahigot na makikoordinar sa Department of Migrant Workers (DMW) asin sa Overseas Workers Welfare Administration (OWWA) tanganing marikas na matawan nin asistensya asin legal na serbisyo.
Pigsierto kan CIDG na padagos nindang hahanapon asin papanimbagon an mga imbuelto sa iligal na recruitment asin human trafficking na mas mabubuyagyag sa mga OFWs sa mas dakulang danyos.
Katakod kaini, nangapudan an CIDG sa publiko na mag-apod sa numerong 0928-424-9263 para sa mga impormasyon o report manungod sa mga kaduda-dudang recruitment activities.
