Pig-omaw ni dating Presidente Rodrigo Duterte an presenteng liderato ni Presidente Ferdinand ‘Bongbong’ Marcos Jr.
Sa saiyang speech sa pagtiripon kan saiyang partido na Partido Demokratiko Pilipino asin Lakas ng Bayan (PDP-LABAN), sinaysay kaini na igwa ining marhay na performance asin success na nahihiling sa presenteng administrasyon.
Idinugang pa kaini na kumpara kan panahon na nasa poder an ama ni Presidente Marcos, dakul an nangyaring pan-aapi.
Nagtutubod man si Duterte na sagkod na dae mapuho an ibang kaalyado ni Presidente Marcos magiging matoninong an nasyon.
Enot sa gabos, sa nakaaging Steps of Maisug rally, nagin vocal an mga tagasuporta ni Duterte sa pangapodan na pagpapa-resign ki Presidente Marcos.
Maski sa ibang nasyon na nag-organisar nin grupong Maisug, igwang mga pangapodan man na magresign sa pwesto an Chief Executive.
