NAGA CITY-Pigsaysay kan alkalde kan siyudad nin Naga na kaipuhan an pagtarabangan kan lambang mga barangay sa siyudad nin Naga para sa declogging kan mga drainage asin paglinig nin mga creek.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na saiyag ipinaapod an gabos na Barangay Kapitan kan siyudad tanganing hagadan an tabang kan mga ini pag-abot sa declogging asin pagmantinir kan kalinigan sa mga creek.
Sigun ki Robredo, kaipuhan na sarabay an declgooing tanganing malikayan an kadakol tada asin igwang mawalat na lugar.
Katakod digde, an mga minor na ide-declog an isusugo sa Barangay mantang an mga major na kaipuhang i-declog an sa City hall.
Apwera digde, pighahagad man kan alkalde sa DOLE na magbaba nin TUPAD workers komo dugang na tabang sa nasambitan ng inisyatiba.
Mientrastanto, liwat man na pigpapakiulay ni Robredo sa mga barangay na maggibo nin resolusyon tanganing masimbagan an dapit sa mga kaharongan na harani sa salog kun saen enkaso dae tolos na matawan solusyon an posibleng matupag na.
Piglilikayan soboot na mas orog pang maglala an sitwasyon orog na ngunyan na igwang papaabuto na raot kan panahon.
Sa ngunyan, hagad na sana ni Robredo an kooperasyon kan publiko para sa mas malinig asin salbadong siyudad nin Naga.
