Dae mababaliktad an desisyon kan Senate Impeachment Court na mag-isyu nin subpoena para sa tax asin bank records ni Vice President Sara Duterte asin kan saiyang agom na si Atty. Manases Carpio, maski pa maghahain nin pagkontra si Senator-judge Alan Peter Cayetano.
Ini an sinabi ninda House Prosecutor asin Akbayan Party-list Representative Chel Diokno, kaiba si House Prosecution Legal Spokesperson Atty. Benjamin “Jay” Tolosa Jr., kasunod kan pahayag ni Cayetano na maghahain siya nin pagkontra sa nasabing desisyon kan Senate Impeachment Court.
Segun ki Diokno, sa irarom kan Rules kan Senado para sa impeachment, may karapatan an lambang senator-judge na mag-file nin pagkontra kun dai siya uyon sa desisyon kan Impeachment Court.
Alagad tinawan duon ni Tolosa na dai na mababago kan lakdang na ini an naging ruling kan Senate Impeachment Court.
Inaasahang mapapakusog kan financial asin tax records ni Vice President Sara asin kan saiyang agom an alegasyon na igwa siya nin dai maipaliwanag na kayamanan na dai niya idineklarar sa saiyang Statement of Assets, Liabilities and Net Worth o SALN.
