Suportado kan pamayuhan kan House of Representatives an nagin desiyon ni Presidente Ferdinand Marcos na rebyuhon asin i-delay an pagpirma sa 2025 General Appropriation Bill.
Sigun ki House Appropriations Committee Chairman Zaldy Co pigrerespeto kan Kamara an desisyon kan Punong Ehekutibo na isairarom sa metikulosong pag-rebyu sa provisions na nakapalaog sa General Appropriation Bill.
Sigun ki Co, naiintindihan kaini si Presidente Marcos, ini an huli sa saiyang commitment na masierto an national budget na nakalinya sa prayoridad kan saiyang adminitrasyon.
Dugang pa ni Co na kaomaw-omaw an ginibo kan Presidente.
Soboot an desisyon kan Presidente na ipagpaliban an pagsasaley kan budget an patunay kan saiyang dedikasyon sa transparency asin pananagutan.
Sinaysay ni Rep. Co sa paagi kan pagsisiyasat sa panukalang P6.352-trillion budget, obheto kan administrasyon na masierto na mahusay asin responsable an paglaan an pondo sa publiko.
Pigtawan-duon ni Rep. Cp an kaprepararan kan Kongreso na labi pang makipagtabangan sa proseso kan pagsusuri kan Malakanyang.
Pigsierto ni Co na nakapreparar an Kamara na magtrabaho kaibahan kan Presidente tanganing pinuhon an budget para sa interes kan Pilipino
