Pigsierto kan Department of Energy (DOE) na matatag an suplay kan kuryente sa kasagsagan kan weekend holiday kasabay kan All Saints’ asin All Souls’ Day o an pig-aapod na Undas.
Sa sarong statement, sinaysay kan ahensiya na mahigot na ining nakikipag-koordinar sa power generation companies, National Grid Corporation of the Philippines (NGCP) asin distribution facilities siring man sa electric cooperatives tanganing mamantinir an padagos na suplay kan kuryente sa kabilogan kan holiday period.
Nakalatag man an contingency measures tanganing masimbagan an posibleng paglangkaw kan demand sa kuryente o localized disruptions.
Mapakuriyat man an NGCP asin distribution utilities nin technical personnel tanganing tulos na marespondehan an anuman na isyu na igwang kinaaraman sa suplay kan kuryente.
Nag-apelar man an ahensiya sa publiko na pairalon an episyenteng paggamit kan kuryente sa harong man o sa sementeryo.
