Inamin kan Department of Justice na igwa pang iba na ‘unreported incidents’ nin kidnapping sa mga Filipino-Chinese na presenteng nasa nasyon.
Ini mismo an ibinunyag kan nasambitang kagawaran kasunod kan saindang pag-iimbestigar sa pag-kidnap asin pagpaslang sa sarong negosyante na si Anson Que.
Kun saen inihayag mismo ni Department of Justice Secretary Jesus Crispin C. Remulla na dae maitatangging may iba pang kaso nin kidnapping sa mga Filipino-Chinese na dae pa naaraman kan publiko.
Soboot, ini an dara kan ‘trust issue’ soboot kan nagkapira sa gobyerno kan nasyon kaya man mas pinili na sana ninda na dae na magsuplong asin man dagusang itago an nangyari na insidente.
Tulos man ining pigkontrahan kan nasambitan ng sekretaryo nin huli ta nagtutubod si Justice Secretary Remulla na kun magpapadagos an kawaran nin tiwala kan nagkapira sa gobyerno ay makawsa sana ini tangani dae matawan nin solusyon an partikular na krimen kan kidnapping.
Huli digde, pigheheras kan sekretaryo kan kagawaran na plano nindang makipag-koordinar sa Korte Suprema tangani magtalaga nin special court para sana digde.
Kasabay man kaini an pagsiguro na saindang ginigibo na an gabos masolusyonan sana an mga insidente nin kidnapping sa nasyon.
Pati an pakikipagdayologo sa mga Filipino-Chinese an sainda man na pigsiguro nin huli ta pighurot ni Justice Secretary Remulla na ini an bako sanang national security issue kundi saro man ining huma sa ekonomiya kan nasyon.
