Inihayag kan Department of Justice na saindang ipapaapod an mga kongresistang idinawit kan mag-agom na Curlee asin Sarah Discaya na imbwelto soboot sa maanomalyang flood control projects.
Sigun ki Justice Secretary Jesus Crispin Remulla, inimbitaran kan National Bureau of Investigation an mga ini tanganing iheras an saindang kumento o kasimbagan.
Igwa soboot kapangyarihan an nasambitan ng ahensiya tanganing ipaapod an mga kongresistang imbwelto tanganing saindang ipresenta an sadiri.
Kun dae sinda masimbag, digde na soboot malaog an ‘subpoena’ na gikan sa National Bureau of Investigation, sigun pa ki Justice Secretary Remulla.
Alagad aminado an nasambitan ng sekretaryo na maagi pa sa masusing ebalwasyon asin beripikasyon kan ahensiya an mga impormasyon gikan sa mag-agom na Discaya.
Marurumdumang basado sa affidavit ninda Sarah asin Curlee Discaya, saindang idinawit an nagkapirang pangarang kongresista kaibahan si former Ako Bicol Party-list Rep. Elizaldy Co, asin former House Speaker Martin Romualdez.
