Naberipika kan Department of Social Welfare and Development (DSWD) an labi sa 400k na mga pamilya komo parte kan Pantawid Pamilyang Pilipino Program o 4P’s.
MakakarEsiber an mga ini nin sarong conditional cash assistance gikan sa ahensya na iyo man dapat itatagama tangani na masigurong makakalaog an saindang mga aki sa eskwelahan.
Segun sa DSWD Asec. asin Spokesperson Irene Dumlao sa Pugay Tagumpay Ceremony na an kabilogang numero nin 434,317 na mga pamilyang ini an masunod na matatawan nin tsansa tangani na magin benepisyaryo kan programa.
Sa presente, nasa dae mababa sa 4 milyong pamilya an benepisyaryo sa irarom kan programa kun saen nakakaresiber an mga ini nin bulanan na suportang pinansyal para sa pangangaipuhan pang-salud kan mga ini asin mga dugang na tabang pa para sa pag klase kan mga aki sa kada household na benepisyaryo kaini.
