Tulos na nag-mobilize an gobyerno kan Pilipinas nin humanitarian aid tanganing magtabang sa Myanmar makalihis ining pagyugu-yuguon kan 7.7 magnitude na linog na ikinagadan kan labi 1,000 na indibidwal.
Sa sarong pahayag, sinaysay kan Office of Civil Defense (OCD) na magbilog nin critical interagency meeting tanganing i-coordinate an pagsimbag kan Pilipinas asin maghatod nin kinakaipuhan na suporta para sa mga apektadong biktima.
Naka-stand by an Philippine Emergency Medical Assiatnce Team (PEMAT) gikan sa Department of Health, na pigbibilog kan 31 personahes.
Dugang pa, sarong light Urban Search and Rescue (USAR) team gikan sa Bureau of Fire Protection (BFP), Armed Forces of the Philippines (AFP), Metropolitan Manila Development Authority (MMDA), asin Apex Mining Corporation/First Gen-Energy Development Corporation (EDC) SRR Teams na magkakaigwa nion kabilogang 80 personahes.
Huli digde, nagpakol na sa 114 an kabilogang numero kan mga personahes na kinababalihan kan duwang personahes gikan sa Office of the Civil Defense asin Contingent Commander LTC Erwin Diploma kan Philippine Air Force.
Apwera digde, igwang tolong dugang na miyembros kan ASEAN Emergency Response Team and Assessment Team (ASEAN-ERAT) na pighagad kan ASEAN Coordinating Center for Humanitarian Assistance (AHA) na magbyahe sa Myanmar antes o ngunyan na aldaw, Marso 30, 2025.
Mientrastanto, nagpaabot man nin mensahe asin pakikidumamay sinda Defense Secretary and National Disaster Risk Reduction and Management Council Chairman, Gilberto Teodoro, Jr. asin Office of Civil Defense Administrator Undersecretary Ariel F. Nepomuceno.
