Pigreport kan Department of Agriculture (DA) na nagpakol na sa ₱13.26 milyon an pangenot na danyos sa agrikultura sa Western asin Eastern Visayas dara kan Bagyong Tino, basado sa pangenot na report gikan sa regional field offices.
An mga apektadong produkto iyo an paroy, mais, high-value crops, livestock, asin poultry. Pinakadakulang danyos an pigsapo kan paroy na nagpakol sa ₱10.76 milyon, sinundan kan mais (₱1.62 milyon), high-value crops (₱461,020), asin livestock asin poultry (₱45,350).
Naraot man an agricultural infrastructure asin kagamitan sa kantidad na ₱370,000. Nag abot sa 613 metric tons sa 552 hektarya an production loss.
Sigun sa DA, report gikan sa Negros Island asin Central Visayas an dae pa nareresiber huli sa mahewasang pagbaha.
Tangani tabangan an mga apektadong paraoma asin parasisira, maheras an DA nin ₱216.39 milyon na farm inputs, ₱1.12 milyon na animal feeds asin supplements, asin ₱841,600 kantidad kan fingerlings para sa mga parasisira. Naka-standby man an 2.6 milyong sako kan bagas gikan sa National Food Authority para sa LGUs asin relief agencies.
Posibleng magsubli an mga kwalipikadong paraoma nin ₱25,000 sa irarom kan SURE Loan Program, asin an mga insured na paraoma man an pwedeng makakua nin indemnification gikan sa Philippine Crop Insurance Corporation (PCIC).
