Pig-ako kan social media personality na si Jack Argota na peke an kopya kan medical records ni Presidente Ferdinand Marcos Jr. na saiyang ipighera online.
Naghagad man ini nin pasensiya asin sinaysay na inarog sana kaini an iba pang social media personalities na nagheheras nin kaparehas na dokumento.
Ngunyan na aldaw, Pebrero 18, naghampang nin solo si Argota sa National Bureau of Investigation (NBI)–Cybercrime Division tanganing simbagan an ipinadarang subpoena asin ipinaliwanag an insidente.
Sigun ki NBI Director Lito Magno, nagsunod si Argota sa ipinadarang subpoene asin nagtao kan saiyang pahayag.
Nenot nang inanusyo kan NBI na nagsunad sinda nin cyberlibel complaint kontra ki Jay Sonza asin Eric Celiz huli sa soboot pagpapalakop kan pekeng medical records.
Sigun sa ahensiya, naisunad na an reklamo sa prosecutor’s office.Nilinaw man ni Magno na suhay an pigsasagibong imbestigasyon sa kaso ni Argota.
Mientrastanto, sa sarong video na in-upload sa social media, nagpasalamat si Argota ki Magno asin sa mga opisyal kan NBI.
Mayo pang pigluluwas na dugang na detalye an mga otoridad dapit sa resulta kan pagdangog, alagad piglalaomang mapadagos an imbestigasyon sa mga masunod na aldaw.
